Diego Costa i lumtur, vetëm 10 ditë jashtë fushe!

Diego Costa nuk ka këputur ligamentin . Një lajm i shkëlqyer ky për Atleticon e Madrdit që shpreson shumë ta ketë të gatshëm yllin e saj për takimin e kthimit me Barcelonën në Vincente Calderon. Sipas asaj që bëri me dije klubi bardhekuq në llogarinë e tij në rrjetin social Twitter, sulmuesi me origjinë braziliane por që luan për përfaqsuesen e Spanjës vuan një dëmtim muskulor të shkallës së parë në kofshën e djathtë por nuk ka asnjë lloj këputje të ligamentit.

Megjithatë 25-vjecarit i duhet të qëndrojë rreth 7-të deri në 10 ditë jashtë fushave të futbollit dhe në këtë mënyrë prania e tij në sfidën e kthimit me Barcelonën është në dyshim, ndërsa mungesa e Costës në ndeshjen e javës së 32-të të La Liga me Villarealin është thuajse e sigurt. Kontrollet e fundit mjeksore kanë qetësuar edhe vetë futbollistin e Los Cholconeros që nuk ishte aspak optimist për një rikuperim të shpejtë të tij. Diego Costa është padiskutim futbollisti kryesor i Atleticos së Madridit në këtë sezon teksa në 43 ndeshje të zhvilluara në të gjitha kompeticionet me rojiblancos ka shënuar 33 gola.